ناهد السباعي تكشف كواليس "السادة الأفاضل" وتنتظر طرح "بنات الباشا"

تحدثت الفنانة ناهد السباعي، عن فيلمها السينمائي "السادة الأفاضل"، بالإضافة إلى انتظارها طرح فيلمها الثاني "بنات الباشا" . 

وقالت ناهد السباعي في تصريحات تلفزيونية: "فيلم (السادة الأفاضل) إخراج أستاذ كريم الشناوي، وتأليف أستاذ مصطفى صقر والكرو كله والممثلين حلوين، يعني إزاي ممكن حد يجيله فيلم زي ده ويفكر أصلًا؟ أنا وافقت قبل ما أقرأ".

وتابعت: "أنا بقدم دور مخرجة دنماركية بعمل فيلم تسجيلي عن خان الخليلي، وكنت بقرأ كتاب عن خان الخليلي فتحمست جدًا فقررت أعمل فيلم تسجيلي عن المنطقة دي".

وأوضحت: "الكواليس بصراحة كانت مليئة بالطاقة والضحك، وربنا يعين أستاذ كريم الشناوي، لأننا كنا دوشة جدًا. إحنا ممثلين كتير وكلنا بنحب بعض جدًا، وبنستنى الوقت اللي نجتمع فيه علشان نعمل دوشة كبيرة ونصوّر تيك توكات ونضحك ونتبسط".

وأضافت: "بعد (السادة الأفاضل) إن شاء الله، فيلم (بنات الباشا) هيتعرض في مهرجان القاهرة السينمائي الدولي في المسابقة الرسمية، استنوني هناك".